TOShKENT, 27 sen — Sputnik. Rossiya Federatsiyasi prezidenti Vladimir Putin bugun, 27-sentabr kuni "Rossiya Federatsiyasining fuqaroligiga qabul qilish va Rossiya fuqaroligidan chiqish to‘g‘risida"gi farmonni imzoladi.
Unga ko‘ra, 30 nafar kishi Rossiya Federatsiyasi fuqaroligiga qabul qilindi, ular orasida O‘zbekiston hududida tug‘ilgan bir nafar kishi - Mamadaliyev Ziyodullo Normamatovich ham qayd etilgan.
Hujjatda bayon etilishicha, Afg‘oniston, Armaniston, Bangladesh, Vyetnam, Germaniya, Ozarbayjon, Ispaniya, Tojikiston, Qirg‘iziston, Pokiston, Ukraina, Kubada tug‘ilgan fuqarolar Rossiya fuqaroligiga qabul qilindi.
Shuningdek, ikki nafar kishi Rossiya fuqaroligidan chiqarildi.