TOShKENT, 26 sen — Sputnik. 18-25 sentabr kunlari Rossiya poytaxti Moskva shahrida harbiy bokschilar o‘rtasida Jahon chempionati tashkil etildi. Unda O‘zbekiston vakillari 7 ta medalni qo‘lga kiritishdi, shulardan 3 tasi oltin. Bu haqda O‘zbekiston boks federatsiyasi matbuot xizmati xabar qilmoqda.
Musobaqada jahonning 36 mamlakatidan 292 nafar bokschi ishtirok etgan.
Terma jamoa safida Shunqor Abdurasulov (-60 kg), Lazizbek Mullojonov (+91 kg) va Mavluda Mavlonova (-75 kg) chempion bo‘lib, oltin medal sovrindorlari bo‘lishdi.
Mujibillo Tursunov (-64 kg) kumush, Aziza Yoqubova (-51 kg), Rayhona Qodirova (-60 kg) va Navbahor Hamidova (-69 kg) esa bronza medalni qo‘lga kiritishdi.