TOShKENT, 26 sen — Sputnik. O‘zbekiston futbol assotsiatsiyasining navbatdagi hisobot-saylov kongressi bo‘lib o‘tdi. Bu haqda O‘FA matbuot xizmati xabar qilmoqda.
O‘FA ustavi asosida O‘FA prezidenti lavozimiga Abdusalom Azizov, O‘FA birinchi vitse-prezidenti lavozimiga Ravshan Ermatov saylandi.
Shuningdek, O‘FA vitse-prezidenti lavozimiga Azizbek Ikramov, O‘FA Ijroiya qo‘mita a’zoligiga Abdujabbor Abduvahitov, Edita Mirobidova, To‘lagan Isoqov, Jahongir Usmanov saylandi.
Eslatib o‘tamiz, 2019-yil iyulida DXX raisi Abdusalom Azizov O‘FA prezidenti, Ravshan Ermatov esa O‘FA birinchi vitse-prezidenti etib saylangan edi.