TOShKENT, 19 sen — Sputnik. Samarqandda Rossiya Davlat dumasi saylovlariga ovoz berish jarayoni boshlandi, deb xabar bermoqda Sputnik muxbiri.
Samarqandda 8371-sonli saylov uchastkasi ochilgan. U yerda 700 nafarga yaqin Rossiya fuqarolari o‘zlarining Konstitutsiyada belgilangan huquqlaridan foylalanib, ovoz berish berishlari mumkin. Uchastkaga 5 nafardan saylovchi kiritilmoqda.
Ovoz berish barcha karantin qoidalariga rioya qilingan holda bo‘lib o‘tmoqda. Saylovchilarga kirishda bir martalik niqob, qo‘lqop va ruchkalar ulashilmoqda.
Samarqandda rossiyaliklar saylovlarga butun oilalari bilan kelib, jarayonda faol ishtirok etishmoqda.
Joriy yil 17-19 sentabr kunlari Rossiya Federatsiyasi Federal Majlisining Davlat dumasiga saylovlar bo‘lib o‘tmoqda. Asosiy kun 19-sentabr, yakshanba hisoblanadi, bunda ishtirok etishning eng yuqori foizi kutilmoqda. Pandemiya sabab saylovlar 3 kun davom etishi belgilangan. Rossiyaliklar Davlat dumasiga 450 deputatni saylashadi.