TOShKENT, 14 sen — Sputnik. Moskva viloyati gubernatori Andrey Vorobyev migrantlar yashagan Bujaninovodagi yotoqxona bugun yopilishini ma’lum qildi. RIA Novosti xabariga asosan.
"Har yili bizga turli mamlakatlardan yuz minglab odamlar keladi. Ularning ko‘pchiligi halol va vijdonan, non topish va oilalarini boqish uchun juda ko‘p mehnat qilishadi. Biz buni tushungan holda munosabatda bo‘lamiz. Lekin har qanday huquqbuzarliklar, ayniqsa migrantlar tomonidan sodir etilgan jinoyatlarga qat’iy chek qo‘yish kerak va shunday bo‘ladi", - deb yozgan viloyat gubernatori Telegram-kanalida.
Uning so‘zlariga ko‘ra, huquqni muhofaza qilish organlari xodimlari yaqin kunlarda aholi o‘rtasida tashvish uyg‘otadigan barcha joylarda tekshiruv o‘tkazadi.
Eslatib o‘tamiz, dushanba kuni 67 yoshli ayolning jasadi Sergiyev Posad yaqinidagi o‘rmonda zo‘ravonlik belgilari bilan topilgan.
“Issiq izlar” bo‘yicha ikki nafar migrant qo‘lga olindi - mahalliy hokimiyat ma’lumotlariga ko‘ra, ular Tojikiston fuqarolari. Kuni kecha kechqurun qotillik sodir etilgan Bujaninovo qishlog‘ining aholisi yig‘ilib, gastarbayterlar yashaydigan yotoqxonani yopishni talab qilishdi.