TOShKENT, 6 sen - Sputnik. Rossiyadan deportatsiya qilingan fuqaro "muammosini hal qilib berishni" va’da qilgan shaxs ushlandi.
Bu haqda Bosh prokuratura matbuot-xizmati xabar bermoqda.
"Bosh prokuratura huzuridagi Departamentning ma’lum qilishicha, Departament hamda DXXning Marg‘ilon shahar bo‘limlari tomonidan o‘tkazilgan tezkor tadbirda, fuqaro B.I. boshqa bir fuqaroning Rossiya Federatsiyasidan deportatsiya qilinganligi holatini elektron bazadan chiqartirib berish evaziga firibgarlik yo‘li bilan 900 AQSh dollarini olgan vaqtida ashyoviy dalillar bilan ushlangan", - deyiladi xabarda.
Mazkur holat yuzasidan O‘zbekiston Respublikasi Jinoyat kodeksining 168-moddasi (firibgarlik) bilan jinoyat ishi qo‘zg‘atilib, tergov harakatlari o‘tkazilmoqda.