TOShKENT, 5 sen — Sputnik. O‘zbekistonga ZF-UZ-VAC2001 vaksinasining 1,5 million dozasi olib kelindi. Bu haqda Sog‘liqni saqlash vazirligi matbuot xizmati xabar bermoqda.
Shunday qilib, mamlakatga keltirilgan jami vaksina 19 million 446 ming 540 dozani tashkil qilmoqda.Ulardan 460 000 dozasi "Sputnik V", 986 480 dozasi AstraZeneca, 15 mln dozasi ZF-UZ-VAC2001, 3 mln dozasi Moderna vaksinasidir.
Hozirga qadar mamlakatda keltirilgan vaksinalarning 15 004 856 dozasidan foydalanildi. Shu kungacha to‘liq emlangan fuqarolar 2 123 460 nafarni tashkil qilmoqda.