TOShKENT, 5 sen — Sputnik. Olimlar koronavirus bilan kasallangan odamlarda buyrakning surunkali yallig‘lanishi bo‘lishi mumkinligini ma’lum qilishdi. Bu haqda “New York Times” nashri bir guruh amerikalik olimlarning tadqiqot natijalariga tayangan holda xabar bermoqda.
Ta’kidlanishicha mutaxassislarning bu bo‘yicha o‘tkazgan tadqiqotida koronavirusdan tuzalgan 89 ming hamda virusga chalinmagan 1,6 million kishi ishtirok etgan. Natijalar shuni ko‘rsatadiki, 30-40 yoshli sog‘lom odamlarda buyrak funksiyasining yo‘qolishi yiliga taxminan 1 foizni tashkil etadi. Bundan ko‘rinib turibdiki, xavfli infeksiyalar bu organni jiddiy va hatto doimiy shikastlanishiga yoki surunkali kasallikka olib kelishi mumkin.
Tadqiqot mualliflaridan doktor Ziyod Al-Alining so‘zlariga ko‘ra bir yil davomida koronavirusga chalingan 4757 odamning buyrak funksiyasi 30 foizga zararlangan. “Bu organning 30-yilga qarishiga teng”, - deydi u.
Mutaxassisning ta’kidlashicha, kasallik nega aynan buyraklarga zarar yetkazishi haqida aniq xulosalar yo‘q. Faqat shuni taxmin qilish mumkinki, bu organ organizmdagi turli yallig‘lanish jarayonlariga yoki immunitet tizimining faollashuviga sezgir bo‘lishi mumkin. shuningdek buyrak funksiyasining buzulishi qonda tromp muammolarini keltirib chiqarishi ta’kidlangan.