TOShKENT, 2 sen – Sputnik. Hujumchi Krishtianu Ronaldu o‘z faoliyati davomida futbol bo‘yicha Portugaliya terma jamoasi tarkibida o‘zining 110 va 111-golini urdi va jahon rekordini o‘rnatdi.
Futbolchi Faruda JCh-2022 saralashi doirasida Irlandiya jamoasiga qarshi kechgan o‘yinning 89-daqiqasida o‘zining 110-golini urishga muvaffaq bo‘ldi. Portugaliya jamoasi o‘z maydonida Irlandiya ustidan 2:1 hisobida zafar quchdi. Krishtianu Ronaldu g‘alaba keltirgan har ikki golga mualliflik qildi.
Shu tariqa u eronlik futbolchi Ali Daiyning terma jamoalarda gol urish bo‘yicha rekordini (109 ta gol) yangiladi. Endi Ronaldu hisobidagi gollar 111 tani tashkil etmoqda.
Ronaldu Instagram sahifasida bu faoliyatidagi rekordlar orasida o‘zgachaligi va bu bilan faxrlanishini ma’lum qildi.