TOShKENT, 30 avg – Sputnik. O‘zbekistonga koronavirusga qarshi yana 90 ming doza “Sputnik V” vaksinasi keltirildi. Bu haqda Sog‘liqni saqlash vazirligi matbuot xizmati xabar bermoqda.
“Hozirgina "Sputnik V" vaksinasining 90 ming dozalik 2-komponenti yurtimizga olib kelindi”, - deyilgan xabarda.
Ta’kidlanishicha, vaksinaning bu komponenti ushbu vaksinaning 1-komponentini qabul qilgan fuqarolarni ikkinchi bosqichda emlash uchun mo‘ljallangan.
Shunday qilib, mamlakatga keltirilgan jami vaksina 17 million 946 ming 540 dozani tashkil qilmoqda.
Ulardan: 460 000 dozasi "Sputnik V", 986 480 dozasi AstraZeneca, 13 500 000 million dozasi ZF-UZ-VAC2001, 3 000 060 dozasi Moderna vaksinasidir.
So‘nggi ma’lumotlarga ko‘ra, ayni kungacha mamlakatda jami 14 million dozadan ziyod vaksinadan foydalanilgan. 1,7 milliondan ortiq kishi koronavirusga qarshi to‘liq emlangan.