TOShKENT, 29 avg — Sputnik. Tokioda davom etayotgan Paralimpiya o‘yinlarida o‘zbekistonlik paradzudochi Sharif Xalilov bronza medaliga sazovor bo‘ldi.
-100 kg vazn toifasida tatamiga chiqqan Xalilov bronza medali uchun kechgan bahsda braziliyalik Antonio da Silvadan ustun kelib, ikkinchi bor Paralimpiya o‘yinlari sovrindoriga aylandi.
U London-2012 Paralimpiadasida kumush medalni qo‘lga kiritgan edi.
Shunday qilib, O‘zbekiston hisobidagi medallar soni 12 taga yetdi: 4 ta oltin, 4 ta kumush va 4 ta bronza. Terma jamoa davlatlar orasida umumiy hisobda 12-pog‘onani egallab turibdi.