TOShKENT, 27 avg — Sputnik. O‘zbekistonlik para dzudochi Uchqun Quronboyev O‘zbekistonga dastlabki oltin medalni taqdim etdi.
-66 kg vazn toifasida O‘zbekiston sharafini himoya qilayotgan paradzudochi Uchqun Quranboyev finalda ispaniyalik Serxio Banon Ibanyesga qarshi tatamiga chiqdi va Golden Score'da raqibini mag‘lubiyatga uchratdi.
Bungacha u Yaponiya va Ukraina vakillarini mag‘lubiyatga uchratgandi.
Tokio-2020 XVI yozgi Paralimpiya o‘yinlari 24-avgustidan 5 sentabrigacha bo‘lib o‘tadi. O‘zbekiston sportning 8 turida 55 ta yo‘llanmani qo‘lga kiritgan.