TOShKENT, 26 avg — Sputnik. Afg‘onistondagi voqealar tufayli Rossiya chegaralari atrofidagi vaziyat xavfsizlik sohasidagi qonunchilikka o‘zgarishlar kiritilishini talab qilishi mumkin, dedi RIA Novosti bilan suhbatda RF davlat suverenitetini himoya qilish bo‘yicha Federatsiya Kengashi komissiyasi rahbari Andrey Klimov.
"Biz shuni aniq bilamizki, ekstremistlar qochoqlar ko‘rinishi ostida MDH, KXShT hududlariga kirib borishni istamoqda", - dedi u.
Uning so‘zlariga ko‘ra, bunday xavf so‘zsiz munosabatni talab qiladi.
Klimovning tushuntirishicha, qonunchilik sohasidagi tashabbuslar migratsiya, chegara oldi bo‘yicha hamkorlik bilan bog‘liq bo‘lishi mumkin.
Bu mavzularning barchasini "Armiya-2021" xalqaro harbiy-texnik forumi doirasida muhokama qilish rejalashtirilmoqda, deya qayd etdi senator.
Klimov shuningdek, Afg‘onistondan AQSh qo‘shinlarining chiqarilishi shu jumladan, RF chegarasi oldidagi vaziyatni izdan chiqarishga yo‘naltirilganini ta’kidlab o‘tdi.
"AQSh bizning chegaralarimiz atrofidagi tinchlikni beqarorlashtirishga, bizga muammo yaratishga urindi. Va ular shunday qilmoqda. Ular qurolni ekstremistlarga tashlab ketmoqda. Mana shunday tushunarsiz vaziyatda ular u yoqda agenturani qoldirdi", - deb xulosa qildi u.