TOShKENT, 14 avg – Sputnik. Energetika vazirligi iste’molchilarni yoqilg‘i-energiya resurslari bilan ta’minlash borasida amalga oshirilayotgan yirik loyihalar haqida xabar qildi.
Vazirlik tomonidan sanab o‘tilgan 10 ta O‘zbekiston tarixida eng yirik loyihalar orasida quyidagilar ham bor:
2021 yilda Respublika hududlari bo‘ylab maishiy gaz ballonlarga shtrix kodli stikerlarni o‘rnatish ishlari yakunlanadi. Endi suyultirilgan gaz ballonlari ham onlayn nazorat qilinadi, - deyilgan xabarda.
Shuningdek, vazirlik ta’kidlashiga ko‘ra, 2021-yilda tabiiy gazni hisobga olish va nazorat qilishning avtomatlashtirilgan tizimini joriy qilish (ASKUG) loyihasi doirasida barcha 3,5 million iste’molchiga zamonaviy elektron gaz hisoblagichlar bepul o‘rnatib berilishini ham xabar qilmoqda.
Undan tashqari, energetika vazirligi 2021-yilda Qashqadaryo viloyatida Mustaqil Davlatlar Hamdo‘stligi (MDH) davlatlarida yagona va eng yirik loyiha hisoblanadigan - “Uzbekistan GTL” zavodi ishga tushirilishini ham aytib o‘tgan.