TOShKENT, 11 avg — Sputnik. Rossiya hududida ommaviy mushtlashuvlarda ishtirok etgan migrantlarning mamlakatga kirishini umrbod taqiqlash kerak. Bu haqda Rossiya Davlat dumasi vitse-spikeri Potr Tolstoy “Vesti FM” radiosi efirida ma’lum qildi.
“Janjalashishdimi – ertasi kuni samolyotga o‘tqazib, uyiga jo‘natish kerak. Boz ustiga bunday kishilarni Rossiyaga kirishini umrbod taqiqlangan holda chiqarib yuborish kerak”, - deydi Tolstoy.
U shu tariqa Rossiya davlat ichida xorijliklar anklavi shakllanishining oldini olgan bo‘lishini ta’kidladi.
Tolstoy Rossiya shu bilan birga umumiy sovet tarixiga ega mamlakatlar bilan qardoshlik munosabatlarini rivojlantirish tarafdori ekanini qo‘shimcha qildi. Migrantlar Rossiyada o‘rnatilgan qonun-qoidalarga rioya qilishlari zarur.
Avvalroq ommaviy mushtlashuvlarda ishtirok etgan yuzdan ziyod xorijliklar Rossiyadan chiqarib yuborilishi ma’lum bo‘lgan edi. Ular mamlakatga faqat 40-yildan so‘ng qayta olishadi.