TOShKENT, 10 avg — Sputnik. Toshkent shahrining Chilonzor tumanida "Gazel" va Lacetti ishtirokida yo‘l-transport hodisasi ro‘y berdi. Bu haqda YHXBB matbuot xizmati xabar bermoqda.
Hodisa 10-avgust kuni soat 07:10 larda Bunyodkor va Do‘mbirobod ko‘chalari kesishgan chorrahada sodir bo‘lgan. 38 yoshli Sh.G. boshqaruvidagi “Gazel” va 69 yoshli K.Yu. boshqaruvidagi “Lacetti” o‘zaro to‘qnashib ketgan.
Natijada “Gazel” ag‘darilib ketgan. Uning haydovchisi va olti nafar yo‘lovchisiga, shuningdek, “Lacetti”ning bir nafar yo‘lovchisiga birinchi tez tibbiy yordam ko‘rsatilgan.
Holat yuzasidan surishtiruv olib borilmoqda.