TOShKENT, 5 avg — Sputnik. Toshkentning Yunusobod tumanida yangi “Manzara” mavzesi tashkil etilmoqda. Bu haqda poytaxt hokimligi matbuot xizmati xabar bermoqda.
Yunusobod tumani hokimining “Yunusobod tumani “Otchopar-2” mahalla fuqarolar yig‘ini hududida tashkil etilayotgan mavzega “Manzara” nomini berish to‘g‘risida”gi qarori loyihasi muhokamaga qo‘yilgan.
Loyihaga muvofiq, qaror qabul qilingach, “Otchopar-2” mahalla fuqarolar yig‘ini xududida yangi tashkil etilayotgan mavzega “Manzara” nomi aks etgan nomlagichlar o‘rnatiladi va tegishli hujjatlarga o‘zgartirish kiritiladi.