TOShKENT, 2 avg — Sputnik. Armaniston prezidenti Armen Sarkisan Nikol Pashinyanni mamlakat bosh vaziri etib tayinlash to‘g‘risidagi farmonni imzoladi.
Avvalroq parlamentda uning nomzodi Armaniston bosh vaziri lavozimiga ilgari surilgan edi. Armaniston konstitutsiyasiga ko‘ra, mamlakat prezidenti yangi saylangan Milliy Assambleya (parlament)ning vakolat muddati boshlanganidan so‘ng, darhol parlamentdagi ko‘pchilik tomonidan ko‘rsatilgan nomzodni bosh vazir etib tayinlaydi.
20 iyun kuni Armanistonda bo‘lib o‘tgan navbatdan tashqari parlament saylovlarida Pashinyan rahbarligida partiya g‘olib chiqqan edi.