TOShKENT, 2 avg – Sputnik. Moskva meri Sergey Sobanin aytishiga ko‘ra, Moskva qurilish maydonlarida migrantlar yetishmasligi inflyatsiya o‘sishiga ham ta’sir qilmoqda.
“O‘tgan yozda barcha qurilish maydonchalarini ikki oyga yopishga to‘g‘ri keldi. Shuningdek oobodonlashtirish va ta’mirlash ishlari ham to‘xtatildi. Oqibatda qurilish tashkilotlari ko‘plab ishchilarni ishdan bo‘shatib yubordi...
Keyinroq esa, maoshlarni ko‘tarishga to‘g‘ri keldi va hamma narsaning narxi osha boshladi. Mehnat unumdorligi va mahsulot miqdori oshmasa, lekin ish haqi oshsa nima bo‘lishini sizga har qanday iqtisodchi tushuntirib berishi mumkin. Shu sababli biz hozir inflatsiya o‘sishini kuzatmoqdamiz”, - dedi Sobanin RBK nashriga bergan intervyusida.
Xulosa qilib aytganda, migrantlar yo‘qligi inflyatsiya o‘sishiga sabab bo‘ldi. Lekin biznes moslashmoqda, ish hajmi ham o‘smoqda.
Shuningdek, Sobaning pandemiya oqibatida Moskva necha pul yo‘qotganiga ham oydinlik kiritdi. Mer aytishiga qaraganda, 1,5 yillik pandemiya davrida Rossiya poytaxti 600 milliard rubl zarar ko‘rgan. Buning ichiga o‘tgun yili budjjetga tushmagan 200-250 milliard rubl va pandemiya oqibatlariga qarshi kurash uchun sarflangan 350 milliard rubl kiradi. Shuningdek davlat tomonidan tadbirkorlarni qo‘llab-quvvatlash uchun 100 milliard rubl sarflangan.