TOShKENT, 1 avg — Sputnik. Sharqiy harbiy okrugga qarashli “G‘urumsaroy” dala o‘quv maydonida 26-30 iyul kunlari O‘zbekiston va Tojikiston harbiy xizmatchilari ishtirokida “Jangovar hamdo‘stlik – 2021” deb nomlangan maxsus taktik o‘quv mashg‘ulotlari bo‘lib o‘tdi. Bu haqda O‘zbekiston Mudofaa vazirligi matbuot xizmati xabar berdi.
Qo‘shni davlat harbiylari bu mashg‘ulotlarda Tojikiston Qurolli Kuchlari quruqlikdagi qo‘shinlari qo‘mondoni o‘rinbosari polkovnik Fathullo Idotullozoda boshchiligidagi ishtirok etdi.
O‘quv mashg‘ulotlari jarayonida o‘zbek-tojik harbiylari kasbiy faoliyatlari yuzasidan o‘zaro malaka va tajriba almashishdi.
30 iyul kuni ikki davlat Qurolli Kuchlari hamkorligida o‘tkazilgan “Jangovar hamdo‘stlik – 2021” maxsus taktik o‘quvining asosiy jarayonlari yakuniga yetdi.