TOShKENT, 19-iyul — Sputnik. Bugun o‘zbekistonlik mashhur MMA yulduzi Murod Xonto‘rayev YTH oqibatida halok bo‘ldi.
Toshkent viloyati IIBB matbuot xizmati xabariga ko‘ra, O‘zbekiston MMA assotsiatsiyasi vitse-prezidenti Murod Xonto‘rayev avtohalokatga uchrab, vafot etdi.
Toshkent viloyati Bo‘stonliq tumani Chorvoq yo‘lida “BMW” rusumli avtomobil boshqaruvni yo‘qotish natijasida YTHga uchragan.
Avtomobil, v kotorom naxodilsya boyes MMA Murod Xanturayev
© Press-slujba UVD Tashkentskoy oblasti
“Osiyo Ayig‘i” nomi bilan mashhur bo‘lgan Murod Xonto‘rayev 1987-yil 4-iyulda Toshkent shahrida tug‘ilgan. Aralash yakkakurash sportidagi karyerasini 2013-yilda boshlagandi.
2017 yilga qadar Xonto‘rayev 13 ta jang o‘tkazib, ulardan 11 tasini g‘alaba (undan 8 tasi nokaut) va 2 tasini mag‘lubiyat bilan yakunlagandi.