TOShKENT, 16-iyul – Sputnik. Toshkentda “Markaziy va Janubiy Osiyo: mintaqaviy o‘zaro bog‘liqlik. Tahdid va imkoniyatlar” mazusidagi yuqori darajali xalqaro anjumanining rasmiy ochilish marosimi boshlandi, deb xabar qilmoqda Sputnik muxbiri.
Anjumanni O‘zbekiston tashqi ishlar vaziri Abdulaziz Kamilov boshladi. Vazir barcha delegatsiya rahbarlari va Forum ishtirokchilarni qutlab, so‘zni O‘zbekiston prezidenti Shavkat Mirziyoyevga berdi.
Shavkat Mirziyoyev barcha ishtirokchilarni qutlab, konferensiyada shaxsan ishtirok etayotgan oliy darajadagi delegatsiya vakillariga va mamlakatlar TIV rahbarlariga minnatdorlik bildirdi.
Eslatib o‘tamiz, ushbu Anjumanda dunyoning 44 mamlakatidan ikkita oliy va yuqori darajali delegatsiya, 15ta parlament delegatsiyalari, 37ta TIV delegatsiyalari va 10ta vazirlik va turli yo‘nalishdagi muassasa delegatsiyalari, 180dan ortiq ishbilarmon doira vakillari tashrif buyurgan. Tadbir arafasida mehmonlar umumiy soni 600nafarga yaqin bo‘lishi e’lon qilingan edi.