TOShKENT, 14-iyul — Sputnik. Qoraqalpog‘istonda avtobus hamda yuk avtomobili to‘qnashuvi natijasida ikki nafar fuqaro vafot etdi. Bu haqda IIV YHXBB axborot xizmati xabar berdi.
Kegeyli tumanidan Nukus shahri tomon harakatlangan “Isuzu” avtobusiga Chimboy tumanidan aylanma yo‘l orqali harakatlangan “GAZ-5312” yuk mashinasi kelib urilgan.
Qoralqapog‘iston Respublikasi IIV YHXB boshlig‘i o‘rinbosari Sulaymon Yusupovning so‘zlariga ko‘ra, hodisa oqibatida bir kishida voqea joyida vafot etgan, ikki kishi esa shifoxonaga yotiqizilgan. Keyinchalik avtobusning ikkinchi yo‘lovchisi ham tuman shifoxonasida vafot etgan.
YTHga uchragan transport vositalarining holati o‘rganilganda yuk mashinasi qayta jihozlangani, mavsumiy texnik ko‘rikdan o‘tmagani aniqlangan.