TOShKENT, 13-iyul — Sputnik. O‘zbekiston uchinchi yevrobondlar emissiyasiga tayyorlanmoqda. Bu haqida bank sohasidagi manbaalarga tayangan holda RIA Novosti xabar qilmoqda.
Bu safargi yevrobondlar ikki transhdan iborat:
Dollarda - $ 635 mln., muddati - 10-yil va daromadi - 3,9 %;
So‘mda - 2,5 trillion so‘m ($235 mln.), muddati 3-yil, daromadi – 14;
Dollarda emissiya qilinadigan yevrobondlar 2031-yilning oktabrida qoplanadi va ularning daromadliligi 4,25-4,375 % ni tashkil qiladi.
Ushbu masalada O‘zbekiston 8-iyul kuni bir necha yirik investorlar bilan telefon muloqotlari o‘tkazgan. Yevrobondlarni joylashtirish Citi, Gazprombank, J.P. Morgan va MUFG banklari tomonidan amalga oshiriladi.
Eslatib o‘tamiz, 2019-yilning fevralida O‘zbekiston ilk bor yevroobligatsiyalar joylashtirgan edi. Umumiy qiymati 1 milliard dollar bo‘lgan qimmatli qog‘ozlar 5 va 10-yil muddatga mo‘ljallangan edi. O‘shanda O‘zbekiston qimmatli qog‘ozlariga bo‘lgan talab hajmi 8,5 milliard dollardan oshib ketgan edi.
Ikkinchi bor O‘zbekiston 2020-yilning noyabrida umumiy hajmi 750 million dollarlik yevroobligatsiyalar chiqargan edi.