TOShKENT, 7-iyul — Sputnik. Surxondaryo viloyati, Denov tumanidagi 1-maktab direktori Xosiyat Qarayeva oliy ta’lim muassasasiga talabalikka qabul qilinadigan bitiruvchilariga o‘z nafaqa pulidan har oy stipendiya berishni o‘z rejasiga kiritdi. Bu haqda viloyat hokimligi matbuot xizmati xabar qildi.
Direktor obsheobrazovatelnoy shkoli №1 Denauskogo rayona Xosiyat Karayeva
© Press-slujba xokimiyata Surxandarinskoy oblasti
Ta’kidlanishicha, 65-yildan buyon maktabda o‘quvchilar bilimini oshirib kelayotgan, bugungi kunda ta’lim muassasasini ibratli boshqarayotgan 80 yoshli pedagog har oy oladigan nafaqa pulini iqtidorli o‘quvchilarga tarqatib keladi.
“Ayni paytda o‘zining 2,3 mln so‘m nafaqasini to‘liq ta’lim sifatini oshirish, iqtidorli o‘quvchilarni rag‘batlantirishga sarflashni rejalashtirgan Xosiyat Qarayevani yurtimizda faoliyat yuritayotgan barcha pedagoglarga o‘rnak qilsa arziydi”, - deyilgan xabarda.