TOShKENT, 30-iyun - Sputnik. O‘zbekistonda kecha 487 kishida koronavirus infeksiyasi qayd etilib, kasallanganlar soni 110 677 nafarga yetdi, deb xabar bermoqda Sog‘liqni saqlash vazirligi matbuot xizmati.
Yangi kasallanish holatlari mamlakatning barcha regionlarida aniqlangan.
Kasallikdan sog‘ayganlar jami 107063 (+647) nafarga yetgan va sog‘ayish ko‘rsatkichi 96 foizni tashkil etmoqda.
Shuningdek, 3 nafar koronavirusga chalingan bemor vafot etib, kasallikdan vafot etganlar soni 736 nafarni tashkil qildi.
Ayni paytda tibbiyot muassasalarida 2878 nafar bemor davolanmoqda.