TOShKENT, 28-iyun — Sputnik. O‘zbekistonga Pfizer va Moderna vaksinalari kelishi kutilmoqda.
“Avgust oyida O‘zbekistonga "Covax" dasturi doirasida AstraZeneca (CovieShield emas), Pfizer, Moderna yoki JSST tasdiqlagan boshqa vaksina kelishi kutilmoqda”, - dedi Sanitariya-epidemiologik osoyishtalik va jamoat salomatligi xizmati boshlig‘i o‘rinbosari Botir Qurbonov.
Ayni damda respublikada jami 3 280 736 doza vaksinadan foydalanildi. Ulardan: 1-bosqich emlanganlar 1 932 975 nafarni, 2-bosqichda emlanganlar 1 145 294 nafarni, 3-bosqich emlanganlar 202 467 nafarni tashkil qildi.
Kecha Toshkent shahridagi barcha savdo shoxobchalarida aholini koronavirusga qarshi ommaviy emlash boshlandi.