TOShKENT, 23 iyun — Sputnik. O‘zbekistondagi sanatoriy, pansionat va bolalar oromgohlariga borish uchun endi PZR-test tahlili talab etiladi. Bu haqda Sog‘liqni saqlash vazirligi matbuot xizmati xabar berdi.
Ta’kidlanishicha, tashkiliy-huquqiy shaklidan qat’iy nazar alohida ko‘rsatma bo‘lgunga qadar barcha dam olish joylari ushbu tartibga amal qilishlari lozim bo‘ladi.
PZR-test ushbu muassasalardan biriga kelishdan avval 72 soat ichida amalga oshirilishi kerak.
Eslatib o‘tamiz, avvalroq endilikda niqobsiz shaxslar jamoat transportiga chiqarilmasligi haqida xabar qilingan edi.