TOShKENT, 23-iyun — Sputnik. Terrorchilar foydalanuvchilarni terakt sodir etish o‘yinlarga olib kiruvchi kompyuter o‘yinlarini yaratishmoqda. Bu haqda Rossiya Federal xavfsizlik xizmati (FXX) direktori Aleksandr Bortnikov ma’lum qildi.
Uning so‘zlariga ko‘ra, internetda bo‘lajak terrorchilarni “ishlab chiqaruvchi” tuzilma faoliyat yuritadi. Yoshlar alohida xavf guruhida. Bortnikov yosh foydalanuvchilarning ruhiy holatiga ijtimoiy tarmoqlardagi va ommabop kompyuter o‘yinlarining chatlarida ta’sir ko‘rsatilishini ta’kidladi.
“Qolaversa, terrorchi guruhlar shunga o‘xshash o‘zlarining o‘yinlarini yaratishning yangi bosqichiga chiqishgan. Ular foydalanuvchilar ongiga terakt sodir etish o‘yin vaziyatiga qo‘shish yo‘li bilan ta’sir etishadi”, - dedi Bortnikov. Uning so‘zlaridan RIA Novosti iqtibos keltirgan.
Rossiya FXX rahbari mamlakatda yoshlarni zo‘ravonlik g‘oyalari ta’siridan himoya qilishga qaratilgan qonunchilikni takomillashtirishga chaqirdi.