TOShKENT, 19-iyun — Sputnik. 20 iyun kuni Toshkentdagi Zahiriddin Muhammad Bobur nomidagi Eko-parkda Xalqaro yoga kuniga bag‘ishlangan festival bo‘lib o‘tadi, deb xabar qildi Turizm va sport vazirligi matbuot xizmati xabar qildi.
Shu kuni soat 7:00dan 17:00gacha Eko-parkda turli tadbirlar o‘tkazish rejalashtirilgan.
Festival doirasida xalqaro yoga ustalarining ma’ruzalari va amaliy mashg‘ulotlar bo‘lib o‘tadi. Shuningdek, Art of Leaving nafas olish amaliyoti bo‘yicha master-klass o‘tkaziladi va musiqiy meditatsiya tashkil etiladi.
Bunga parallel ravishda, psixologiya va o‘zini rivojlantirish bo‘yicha professional trenerlar tomonidan mahorat darslari ham o‘tkaziladi.
Eslatib o‘tamiz, O‘zbekiston Yoga federatsiyasi o‘tgan yili tashkil etilgan edi. Yangi tashkil etilgan federatsiyaning raisi etib Toshkent shahar hokimi Jahongir Ortiqxo‘jayev saylangan.