TOShKENT, 17-iyun — Sputnik. Yirik ko‘chmas mulk obyektlarini xususiylashtirish jarayonlari bo‘yicha Davlat tender komissiyasining qarori qabul qilindi. Bu haqda Davlat aktivlarini boshqarish agentligining matbuot xizmati xabar qildi.
Poytaxtning Sayilgoh ko‘chasi manzilida joylashgan sobiq "Markaziy bino" bo‘yicha 210,0 mlrd so‘m sotib olish narxi bilan — "METROPOL GROUP" MChJ savdo g‘olibi deb topildi.
Shuningdek, Mirobod tumani, Buxoro va Nuroniylar ko‘chalari kesishuvi manzilida joylashgan "Gazetalar ishlab chiqarish majmuasi" binosi bo‘yicha 78,0 mlrd so‘m sotib olish narxi bilan — "Metro Plaza" MChJ;
Toshkent shahri, Yakkasaroy tumani, Yusuf Xos Xojib ko‘chasi manzilida joylashgan "Ichan qal’a" mehmonxona majmuasi bo‘yicha 74,2 mlrd so‘m sotib olish narxi bilan — "QUADRO IH DMCC" kompaniyasi g‘olib deb topilgan.
Shu bilan birga, "Poytaxt biznes majmuasi" MChJ mulkiy majmuasi, "Malika" savdo va maishiy xizmat ko‘rsatish majmuasi va "Qizil suv sport sog‘lomlashtirish" MChJni xususiylashtirish jarayonlari davom etmoqda.