TOShKENT, 13-iyun — Sputnik. Futbol bo‘yicha Yevropa chempionati guruh bosqichi 1-turi doirasida Daniya va Finlyandiya terma jamoalari o‘zaro kuch sinashdi.
Kopengagenda o‘tgan o‘yinda kutilmagan noxush holat sodir bo‘ldi. Hech qanday to‘qnashuvsiz o‘yinning 43-daqiqasida Daniya yarim himoyachisi Kristian Eriksen kutilmaganda maydonga yiqilib tushdi. Futbolch o‘ng qanotdan oldinga qarab harakatlanayotgan vaqtda muvozanatni yo‘qotib, hushidan ketdi.
Jamoadoshlari uning tili orqaga ketib qolishining oldini olishga harakat qilishdi. Shundan so‘ng shifokorlar darhol maydonga chaqirildi, Daniya terma jamoasi shifokorlaridan tashqari, reanimatsiya guruhi ham jalb qilindi. Tibbiy yordam to‘g‘ridan-to‘g‘ri maydonda ko‘rsatildi.
Futbolisti sbornoy Danii
© AFP / FRIEDEMANN VOGEL
Daniya terma jamoasi futbolchilari tafsilotlar kameralarga tushmasligi uchun jonli devor yasadi. Reanimatsiya muolajasi muvaffaqiyatli yakunlangach, Eriksen maydondan olib chiqib ketildi.
Futbolist Kristian Eriksen
© AFP / FRIEDEMANN VOGEL
Kristian hozir kasalxonada va uning ahvoli barqarorlashgan. U o‘zi nafas olmoqda va gapirmoqda.
Bu voqea butun futbol olami va muxlislarni larzaga soldi. Dunyoning barcha jamoalari va futbol yulduzlari Kristianga sog‘liq tilaydi. Uning yaqinlari va oila a’zolariga dalda berishdi.
Ushbu hodisa sabab Yevro-2020 doirasidagi Daniya – Finlandiya o‘yini ikki soatga vaqtincha to‘xtatildi. O‘yin qayta tiklangandan keyin Daniya 0:1 hisobda imkoniyat finnlarga boy berdi.