TOShKENT, 10-iyun — Sputnik. Fransiyaning Valans sudida mamlakat prezidenti Emmanuel Makronning yuziga tarsaki tushirgan Damyen Tarel ustidan sud majlisi bo‘lib o‘tmoqda, deb xabar berdi BFMTV kanali.
Avvalroq, 28 yoshli Tarel so‘roq paytida uning harakatlari o‘z-o‘zidan sodir etilganini ta’kidlagandi.
Payshanba kungi sud majlisi boshida u Makronning yuziga tarsaki tushirganini tasdiqladi.
"Men bu tarsakini juda shafqatsiz deb ta’riflagan bo‘lar edim", - dedi odam sudda.
Uning xatti-harakatlarini tushuntirar ekan, u prezidentni yaqindan ko‘rib hayron bo‘lganini aytdi.
"Biz mashinada kutganimizda, biz biron bir muhim narsani qilishni - unga siyosiy savollar berishni, sariq nimcha yoki Fransiya bayrog‘ini olishni o‘ylab ko‘rgandik, ammo fikrimizdan qaytdik", - dedi Tarel.
Uning so‘zlariga ko‘ra, bir necha kun oldin esa tuxum yoki tort otish masalasini ham ko‘rib chiqishgan.
Bu huquqbuzarlik nazarda tutilgan moddada 3-yilgacha ozodlikdan mahrum qilish va 45 ming yevro miqdorida jarima ko‘zda tutilgan.
8 iyun kuni Fransiya prezidenti Emmanuel Makron Drom departamentiga tashrif buyurayotgan chog‘ida bir kishi uning yuziga tarsaki tushirgandi. Prezident tansoqchilari zudlik bilan ikki kishini qo‘lga olishdi.
Bu hodisa Fransiyadagi siyosatchilar, jumladan, muxolifat partiyalari rahbarlari qoralashdi. Makronning o‘zi esa bu holatni bo‘rttirib ko‘rsatmaslikka chaqirdi va fransiyaliklar bilan uchrashishda davom etishini ta’kidladi.