TOShKENT, 8-iyun — Sputnik. Jahon Chempionati saralash bosqichidan o‘rin olgan O‘zbekiston - Singapur uchrashuvi Saudiya Arabistonidagi “Qirol Fahd” stadionida bo‘lib o‘tdi.
“Oq bo‘rilar” o‘yinning ilk daqiqalaridan maydondagi ustunlikni namoyish etishdi va bu 6-daqiqada Jaloliddin Masharipovning goli bilan o‘z mevasini berdi. Birinchi bo‘lim davomida to‘pga egalik qilish bo‘yicha O‘zbekiston milliy terma jamosi ustunlikka egalik qildi.
Futbolist Jaloliddin Masharipov
© Assotsiatsiya futbola Uzbekistana
35-daqiqada Jaloliddin Masharipov uchrashuvdagi o‘zining ikkinchi golini urdi. Birinchi bo‘limga 2 daqiqa qo‘shildi. Eldor Shomurodov bunday unumli foydalanib, o‘yindagi uchinchi golga mualliflik qildi. Shu tariqa birinchi bo‘lim o‘zbekistonlik futbolchilarning yaqqol ustunligi bilan yakunlandi.
Eldor Shomurodov
© Assotsiatsiya futbola Uzbekistana
Ikkinchi bo‘lim boshida "oq bo‘rilar" sardori jamoaning imkoniyatlari yana oshirdi. 50-daqiqada Odil Ahmedovning golidan so‘ng hisob 4:0 ko‘rinishiga keldi. 86-daqiqada Odil Ahmedovning jarima maydoni tomon yo‘llagan to‘pni singapurlik Hafiz Nor o‘z darvozasiga yo‘llab yubordi. Hisob 5:0 ko‘rinishda o‘zbekistonlik futbolchilar foydasiga hal bo‘ldi.
Futbolist Odil Axmedov
© Assotsiatsiya futbola Uzbekistana
O‘zbekiston terma jamoasi endilikda Yaman (11 iyun) va Saudiya Arabistoniga (15 iyun) qarshi maydonga tushadi. Bu g‘alaba ularga bu bahslarda katta ishonch bag‘ishlashi shubhasiz.