TOShKENT, 4-iyun — Sputnik. Yevropaning dori vositalari bo‘yicha agentligi (YeMA) Rossiyaning COVID-19ga qarshi "Sputnik V" vaksinasini tekshirish vaqtida ishlab chiqarish va klinik jihatdan hech qanday jiddiy kamchiliklar aniqlay olmadi.
Bu haqida Rossiya To‘g‘ridan-to‘g‘ri investitsiyalar fondi rahbari Kirill Dmitriyev Sankt-Peterburgdagi xalqaro iqtisodiy forumda hikoya qilib berdi. Dmitriyev YeMAning texnik mutaxassislari ishini alohida ta’kidlab o‘tdi.
“YeMAning texnik xizmati hozircha hech qanday jiddiy kamchilik topmadi. Shu bilan birga "Sputnika V"ga qarshi qator siyosiy chiqishlar va dezinformatsion kampaniya olib borilmoqda”, - dedi fond rahbari.
Rossiyada ishlab chiqilgan preparatni ro‘yxatdan o‘tkazish vaqtida jarayon siyosiylashmagan bo‘ladi deb umid qilaman, deydi Dmitriyev.
Eslatib o‘tamiz, Rossiya SSV 2020-yilning avgust oyida dunyoda birinchi koronavirusga qarshi "Sputnik V" vaksinasini ro‘yxatdan o‘tkazgan edi. Bugungi kunda ushbu vaksina dunyoning 66 mamlakatida ro‘yxatdan o‘tkazilgan.
"Sputnik V" yillar davomida tekshirilgan va yaxshi o‘rganilgan odam adenovirusi platformasida yaratilgan. Bugungi kunga qadar 3,8 mtillion kishida o‘tkazilgan emlash natijasida uning samaradorligi 97,6%ni tashkil qilmoqda. Dastlabki bosqichda The Lancet jurnali maqolasida samaradorlik darajasi 91,6% deb ko‘rsatilgan edi.
YeMA 4-martdan buyon "Sputnik V" vaksinasini bosqichma-bosqich sinovdan o‘tkazmoqda. Yevropa dorilar agentligi tekshiruvlar natijasini Rossiyada inspektorlik tekshiruvlaridan so‘ng e’lon qilishini ma’lum qilgan.