TOShKENT, 2-iyun — Sputnik. Toshkentda kuzatilayotgan issiq havo sabab yer ustida harakatlanuvchi metro poyezdlari tezligi cheklanadi. Bu haqda "Toshkent metropoliteni" axborot xizmati xabar berdi.
Ma’lum qilinishicha, harakat xavfsizligini ta’minlash maqsadida poyezdlar Toshkent yerusti halqa yo‘lida soat 18:00 gacha chegaralangan tezlik (30—35 kilometr/soat)da harakatlanadi.
Kompaniya ushbu cheklov necha kun davom etishi va kunning qaysi vaqtidan boshlab amal qilishiga ochiqlik kiritmagan.