TOShKENT, 2-iyun — Sputnik. Qashqadaryo viloyati Koson tumanida eshak so‘ygan 4 nafar erkak ushlandi. Bu haqda viloyat IIB axborot xizmati xabar berdi.
Tezkor surishtiruv ishlari davomida tumandagi Arabxona mahallasida yashovchi fuqaro N.T.ning xonadon hovlisi xolislar ishtirokida ko‘zdan kechirilgan.
Mazkur xonadonda N.T, S.N., Sh.X. hamda T.A. ismli to‘rt nafar fuqaro iste’mol qilinishi mumkin bo‘lmagan hayvon — eshaklarni so‘yib, go‘shtini suyaklaridan ajratib kelayotgani aniqlangan.
Qashqadaryoda eshak so‘yish bilan shug‘ullangan guruh qo‘lga olindi
© Qashqadaryo viloyati IIB axborot xizmati
Hozirda surishtiruv ishlari davom ettirilmoqda.
Eslatib o‘tamiz, avvalroq Qarshi shahridagi Arabxona mahallasida eshak qassoblari qo‘lga olingan edi.