TOShKENT, 2-iyun — Sputnik. 3-7 iyun kunlari O‘zbekistonda jazirama ob-havo kuzatiladi. Bu Eron hududlaridan issiq havo kirib kelishining kuchayishi hisobiga ro‘y beradi, deb xabar bermoqda O‘zgidromet.
Ushbu kunlarda havo harorati iqlimiy meyorlardan 7-10 daraja yuqori bo‘ladi.
Kunduz kunlari havo 40-43 darajagacha, janubda va cho‘l hududlarida ba’zi joylarda 44-46 darajagacha isiydi.
Respublika bo‘yicha ba’zi joylarda shamol changli bo‘ron bilan 17-22 m/s gacha kuchayishi mumkin.