TOShKENT, 1-iyun — Sputnik. Birlashgan Arab Amirliklarining Dubay shahrida boks bo‘yicha Osiyo chempionati—2021 musobaqasi o‘z yakuniga yetdi. Bu haqda O‘zbekiston boks federatsiyasi matbuot xizmati xabar qildi.
31 may kuni o‘tkazilgan final bahslarida 10 vazn toifasidan 7 tasida o‘zbekistonlik bokschilar qit’a chempionligi uchun bahs olib borishdi. Ularning 6 nafari esa terma jamoaga oltin medallarni keltirdi.
Musobaqada o‘zbekistonlik bokschilarning erishgan natijalari:
Oltin: Nodirjon Mirzahmedov (-49 kg), Shahobiddin Zoirov (-52 kg), Bobousmon Baturov (- 69 kg), Saidjamshid Jafarov (75 kg), Dilshodbek Ro‘zmetov (- 81 kg), Bahodir Jalolov (+91 kg).
Kumush: Mizaziz Mirzaxalilov (56 kg).
Bronza: Abdumalik Xalakov (-60 kg), Elnur Abduraimov (-64 kg), Sanjar Tursunov (-91 kg).
Shu tariqa, bokschi yigitlar o‘z yo‘nalishlarida umumjamoa hisobida birinchi o‘rinni qo‘lga kiritishdi. Erkaklar jamoasi ushbu chempionatni 6 ta oltin, 1 ta kumush va 3 ta bronza, jami 10 ta medal bilan yakunlashdi.