TOShKENT, 30-may — Sputnik. “O‘zkomnazorat” davlat inspeksiyasi internet tarif rejalari va xizmatlarini taqdim etishda "-gacha" qo‘shimchalaridan foydalanish bo‘yicha ko‘rsatma berdi. Bu haqda idora matbuot xizmati xabar qilmoqda.
“2021 yil 1-iyundan boshlab tarif rejalari va xizmatlari to‘g‘risidagi ma’lumotlarda internet tezligi uchun belgilangan “-gacha” (“do...”) qo‘shimchalari o‘rniga aniq va tushunarli ma’lumot berish bo‘yicha ko‘rsatma berildi", — deyiladi xabarda.
Ta’kidlanishicha, bu internet va telekommunikatsiya xizmatlarini ko‘rsatuvchi operator va provayderlar hamda xo‘jalik yurituvchi subyektlarga telekommunikatsiya xizmatlarini uzluksiz, sifatli va shartnomalarda belgilangan hajmda (tezlikda) ko‘rsatish maqsadida amalga oshirilmoqda.