TOShKENT, 24-may — Sputnik. Uzbekistan Airways 15-iyundan Moskvaning Domodedovo aeroportidan parvozlarni tiklaydi.
Reyslarni qayta tiklash to‘g‘risidagi qaror, avvalambor, O‘zbekiston “havo yo‘llari" reyslarida qulaylik yaratish va yo‘lovchilarga xizmat ko‘rsatish darajasini oshirish bilan bog‘liq.
"Uzbekistan Airways" AJ va Domodedovo o‘rtasidagi hamkorlik aeroportning sherik aviakompaniyalari parvozlari va transfer reyslari geografiyasi tufayli O‘zbekistonda turizmni jadal rivojlantirish uchun qulay sharoit yaratadi.
"Hamkorligimiz yo‘lovchilarga vaqt va parvoz xarajatlarini sezilarli darajada tejash uchun yangi imkoniyatlarni ochadi", - deydi "Uzbekistan Airways"ning RF mintaqaviy vakili Akmal Jo‘rayev.
Uzbekistan Airways 14-iyun kuni Vnukovo aeroportidan so‘nggi parvozini amalga oshiradi. Buni Sputnik muxbiriga aviakompaniya matbuot xizmati tasdiqladi. Keyingi kundan boshlab esa barcha reyslar Domodedovo aeroportidan amalga oshiriladi.
Eslatib o‘tamiz, 2018-yil 28-oktabridan “O‘zbekiston havo yo‘llari” MAKning O‘zbekistondan Moskvaga barcha reyslari “Domodedovo” aeroportidan “Vnukovo” aeroportiga o‘tkazgan edi.