TOShKENT, 24-may — Sputnik. Xalq ta’limi vazirligi 25-may kuni barcha maktablarda “So‘nggi qo‘ng‘iroq” tadbirlarini o‘tkazishga ruxsat berdi.
Ma’lum qilinishicha, tadbir karantin qoidalariga qat’iy rioya etgan holda o‘tkazilishi kerak. Joriy yilda 438 mingga yaqin bitiruvchilar maktab bilan xayrlashishadi.
Vazirlik tadbirlarni ortiqcha xarajatlarsiz va turli xil alohida kiyim-kechak, bezak, sovg‘alar va shu kabilarga katta mablag‘ sarflamasdan o‘tkazishni so‘ragan.
Eslatib o‘tamiz, avvalroq O‘zbekiston maktablarida yakuniy imtihonlar 26-maydan boshlanishi xabar qilingan edi. Joriy yilda barcha umumta’lim maktablarida bosqichli nazorat va yakuniy davlat imtihonlari o‘tkaziladi.