TOShKENT, 21-may — Sputnik. YeOII Oliy iqisodiy kengashi faxriy raisi Nursultan Nazarbayev, ayni damda bo‘lib o‘tayotgan YeOII davlat rahbarlarining onlayn uchrashuvida yaqin yillar ichida dunyoda oziq-ovqat muammolari boshlanishi haqida xabar qildi.
“Butun dunyo yaqin vaqt ichida oziq-ovqat yetishmovchiligini his qiladi. YeOII davlatlarida ushbu oziq-ovqat krizisidan o‘tish uchun hamma narsa yetarli, faqat ularni to‘g‘ri rejalashtirish va taqsimlash kerak”, - dedi Nazarbayev.
Shuningdek Nazarbayev yaqin yillar ichida YeOII rivojlanish strategiyasida quyidagilarga e’tibor qaratish kerakligini ta’kidladi:
Dori-darmon ishlab chiqarish sohasini rivojlantirish kerak. Yaqinda bo‘lib o‘tgan krizis buni yaqqol ko‘rsatdi;
Umumjahon inflyatsiyasi – hech narsa bilan ta’minlanmagan dollar juda katta miqdorda jahaon iqtisodiyotiga kiritilgani sababli, u inflyatsiya kelitirib chiqarish aniq;
Yashil iqtisodiyot – butun dunyo yashil iqtisodga o‘tmoqda, biz ham shunga harakat qilishimiz kerak;
Yanada chuqurroq integratsiya qilish kerak, oramizda o‘zaro tushunishni chuqurlashtirish kerak;
VEEs faxriy raisi so‘zlariga ko‘ra, so‘nggi yillarda YeOII orasida iqtisodiy hamkorlik 23%ga oshgan. 2020-yil yakunlariga ko‘ra o‘zaro savdo sotiq hajmi 55 milliard dollarni tashkil qilgan.
Yevroosiyo iqtisodiy ittifoqining Oliy iqtisodiy kengashi (VEES) majlisi 21-may juma kuni videoanjuman shaklida bo‘lib o‘tmoqda. Unda Qozog‘iston birinchi prezidenti Nursultan Nazarbayev, Rossiya, Belarus, Qirg‘iziston prezidentlari, Armaniston bosh vaziri ishtirok etmoqda. Shunindek, O‘zbekiston prezidenti Shavkat Mirziyoyev va Kuba prezidenti Migel Dias-Kanelning ham kuzatuvchi maqomida ishtirok etmoqda.