Migrantlar (aksariyati Marokashdan bo‘lgan) Ispaniyaning Seuta shahriga qayiqlarda yoki suzib o‘tdi.
Turli hisob-kitoblarga ko‘ra, 6-8 ming kishi chegarani kesib o‘tgan. Ulardan 1,5 ming nafari voyaga yetmaganlardir.
Ispaniya hukumati chegara nazoratini kuchaytirish uchun harbiylar va zirhli texnikalarni yubordi.
Harbiylar migrantlarning yog‘ilib kelishining oldini olishga qarshi chora ko‘rmoqda.
Ispaniya bosh vaziri Pedro Sanches migrantlarning kutilmaganda yog‘ilib kelishi butun Yevropa uchun inqiroz ekanini aytdi.
Tez orada katta yoshdagi migrantlar qaytarib yuboriladi. 4 mingga yaqin kishi allaqachon qaytarib yuborilgan..
YeI va Afrikaning yagona quriqlikdagi chegarasi Ispaniyaning Seuta va Melilya shaharlari hududidan o‘tadi.
Ispaniya hukumati voya yetmaganlarni kattalar hamrohligisiz Marokashga yubormasligini ma’lum qildi. Ko‘p bolalar Qizil Xochning ombor binolariga joylashtirilgan.
Inqirozga Marokash tomonidan chegara nazoratining susaytirilgani sabab bo‘lishi mumkin.
Migrantlar chegarani muntazam kichik guruh bo‘lib kesib o‘tishadi, lekin bu hafta kelgan migrantlarning soni misli ko‘rilmagan edi.
Qizil Xoch ma’lumotlariga ko‘ra, bir yosh yigit haddan tashqari sovuq qotishdan o‘lgan, o‘nlarcha kishilarga yordam ko‘rsatilgan.
Askarlar va politsiya xodimlar noqonuniy migrantlarga qarshi ko‘zdan yosh oqizuvchi gaz va dubinkalardan foydalanishgan.