TOShKENT, 13-may — Sputnik. Saudiya Arabistonining “Flynas” aviakompaniyasi joriy yil 12-iyundan boshlab Ar-Riyod–Toshkent yo‘nalishi bo‘yicha haftasiga uch marta muntazam aviaqatnovlar yo‘lga qo‘yishni rejalashtirilmoqda. Bu haqda O‘zbekistonning mutasaddi vazirlik va idoralar hamda mazkur aviakompaniya vakillari o‘rtasida kechgan onlayn muloqot davomida ma’lum bo‘ldi.
“Dunyo” AA xabariga ko‘ra, muloqotda Saudiya Arabistonida O‘zbekiston turizm salohiyatini keng targ‘ib etish orqali saudiyaliklarning mamlakatga sayohatlarini uyushtirish istiqbollari muhokama qilindi.
“Flynas” parvozlari muntazamligini hisobga olib, sayyohlar oqimini ko‘paytirish, O‘zbekistonning yirik turistik kompaniya va agentliklari vakillarini Saudiya Arabistoniga yuborish bo‘yicha kelishuvga erishildi.
Bundan tashqari, u yerda O‘zbekiston turizm salohiyatiga bag‘ishlangan taqdimotlar o‘tkaziladi.