TOShKENT, 10-may — Sputnik. Prezident matbuot kotibi Sherzod Asadov 10-may, dushanba kuni o‘tkazilgan brifingda joriy haftadagi davlat rahbari qatnashadigan muhim tadbirlar haqida ma’lumot berdi, deb xabar qildi Sputnik O‘zbekiston muxbiri.
Shavkat Mirziyoyev hududlarning iqtisodiy o‘sish sur’atlarini ta’minlash bo‘yicha videoselektor o‘tkazadi.
- Sog‘liqni saqlash sohasini raqamlashtirish jarayonlari hamda sohada davlat-xususiy sheriklik asosida amalga oshirilayotgan loyihalar taqdimoti;
- Hududlarning iqtisodiy o‘sish sur’atlarini ta’minlash bo‘yicha videoselektor;
- Yaponiya yetakchisi va mintaqa mamlakatlari rahbarlari bilan prezidentning muloqoti rejalashtirilgan.
Shuningdek, Hayit bayramini nishonlash bo‘yicha tayyorlangan qaror loyihasi yuzasidan prezidentga axborot beriladi.