TOShKENT, 2-may - Sputnik. Hokim, vazir va boshqa davlat xizmatchilariga biriktirilgan avtomobillar uchun yangi turdagi davlat raqamlari joriy etiladi. Bu haqida O‘zbekiston Respublikasi Vazirlar Mahkamasining 29-apreldagi 258-sonli qarorida aytib o‘tilgan.
Xususan, 2021-yilning 1-iyulidan boshlab davlat va mahalliy boshqaruv organlari rahbarlarining xizmat avtomobillariga"DAV" harflari biriktirilgan davlat belgisi o‘rnatiladi.
Undan tashqari, ushbu qarorda vazirlar, viloyatlar va Toshkent shahar hokimi uchun xizmat avtomobili qiymati BHMning 2000 barobarigacha, ularning o‘rinbosarlari uchun - 1500 barobarigacha belgilangan. Tuman va shahar hokimlari uchun BHMning 1000 barobarigacha hamda ularning o‘rinbosarlari uchun - 700 barobari miqdorda belgilangan.
Shuningdek xizmat avtomobillarining yillik yurish masofasi hamda dvigateli hajmi ham cheklangan. Xususan bir yilda xizmat avtomobili 24 mingdagn 36 ming km masofaga yurishi mumkin. Dvigateli hajmi esa 1,6 litrdan 4,0 litrgacha bo‘lishi mumkin.
Yuqoridagi talablarga javob bermaydigan avtomobilar 1-avgustga qadar inventarizatsiyadan o‘tkazilib, elektron auksion orqali sotuvga chiqarilishi kerak.
Noviy tip avtomobilnix nomerov dlya chinovnikov
© Ukaz KabMina №258