TOShKENT, 27 apr – Sputnik. Kimyo bo‘yicha 26-aprel kuni yakunlangan 55-xalqaro Mendeleyev olimpiadasida O‘zbekistondan 7 nafar maktab o‘quvchilari ishtirok etib, ularning barchasi medallar sohibi bo‘ldi, deb xabar qilmoqda Xalq ta’limi vazirligi.
Oltin medal
Firdavs Sobirov - Buxoro shahar 35-umumiy o‘rta ta’lim maktabi o‘quvchisi
4ta kumush medal
Azimjon Jamolov – Yosh biologlar va kimogarlar ixtisoslashtirilgan maktab-internati o‘quvchisi;
Sobirjon Amanov – Toshkent pediatriya tibbiyot instituti akademik litseyi o‘quvchisi;
Nafisa Normurodova – Toshkent pediatriya tibbiyot instituti akademik litseyi o‘quvchisi;
Durdona Muxtarxo‘jayeva – Abu Ali ibn Sino nomidagi yosh biologlar va kimogarlar ixtisoslashtirilgan maktab-internati o‘quvchisi.
2ta bronza medal
Ikromiddin Boymahammadov – Abu Ali ibn Sino nomidagi yosh biologlar va kimogarlar ixtisoslashtirilgan maktab o‘quvchisi;
Begzod Ro‘ziboyev – Toshkent pediatriya tibbiyot instituti akademik litseyi
Xalqaro olimpiada ikki turda o‘tkazildi: ilk bosqichda barcha ishtirokchilar 8 ta majburiy masala ishlagan bo‘lsa (jami 80 ball), ikkinchi bosqichda kimyo fanining 5 bo‘limiga oid 15 masaladan ixtiyoriy 5 tasini ishlash talab qilindi (jami 75 ball).
Xalqaro olimpiada Toshkent shahri Yunusobod tumani 9-Axborot texnologiyalarga ixtisoslashtirilgan maktabda o‘tkazildi va jarayonlar tashkiliy qo‘mita tomonidan jami 17 ta vebkamera va mikrofonlar orqali kuzatib borildi.
20-26 aprel kunlari onlayn tarzda bo‘lib o‘tgan 55-Xalqaro Mendeleyev kimyo olimpiadasida 28 davlat vakillari ishtirok etdi. Ular orasida Avstriya, Xitoy, Turkiya, Rossiya, Saudiya Arabistoni, Isroil, Xorvatiya, Vengriya va boshqa mamlakatlar bor.
Umumjamoa hisobida birinchi o‘rinda Rossiya -7ta oltin, ikkinchi o‘rinda Ruminiya – 4ta oltin, O‘zbekiston, Turkiya, Turkmaniston va Ukraina jamoalari – 1tadan oltin medal sohibi bo‘lishdi.