Iroq poytaxti Bag‘dod janubiy-sharqida joylashgan Ibn al Xatib kasalxonasi 25-aprel kuni yonib ketdi. “Reuters” manbasi ma’lumotlariga ko‘ra, yong‘indan oldin ikkinchi qavatdagi kislorod balonlari omborida portlash sodir bo‘lgan.
So‘nggi ma’lumotlarga ko‘ra, portlash oqibatida qurbon bo‘lganlar soni 88 nafarga yetgan. Yong‘indan 200 kishini qutqarishga muvaffaq bo‘lingan.
Kasalxonaning boshqaruvi, texnik xizmat ko‘rsatishi va xavfsizligiga mas’ul bo‘lganlar hibsga olingan. Bundan tashqari, Iroq SSV rahbari va Bag‘dod hokimi iste’foga chiqarilgan.