TOShKENT, 23 apr — Sputnik. Rossiya Ichki ishlar vazirligi 122 nafar xorijiy davlat fuqarolariga yaqin 40-yil ichida Rossiyaga kirishni ta’qiqlab qo‘ydi.
Ushbu choralar Moskvada hukumatga qarshi bo‘lib o‘tgan norozilik namoyishlarida ishtirok etgan xorijiy fuqarolarga nisbatan qo‘llanilgan.
"Moskva hududida bo‘lib o‘tgan noqonuniy norozilik namoyishlarida ishtirok etgan 122 nafar xorijiy fuqarolarga nisbatan, Rossiya 114-sonli FQning 27 bandi 1.1. bo‘limiga asosan Rossiya hududiga kirishni 40-yilga ta’qiqlash to‘g‘risida qaror chiqarildi”, - dedi Moskva IIBB Migratsiya bo‘limi boshlig‘i Dmitriy Sergiyenko.
Bundan tashqari, Rossiya IIV terrorchilik faoliyatida ishtirok etgani gumon qilinayotgan 10 nafar xorij fuqarolariga ham Rossiya hududiga kirishni ta’qiqlab qo‘ygan.
Eslatib o‘tamiz, O‘zbekiston Tashqi mehnat migratsiyasi agentligi Rossiyada vaqtinchalik mehnat faoliyatini olib borayotgan uzbekistonliklardan ommaviy norozilik tadbirlarida ishtirok etmaslikni so‘ragan edi.